மோடியை தூக்கிவிட்டால் பாஜக என்கிற கட்சியே கிடையாது - குஷ்பு ஆவேசம்

பாஜகவில் இருந்து நரேந்திர மோடியை நீக்கிவிட்டால், பாஜக கட்சியே கிடையாது என காங்கிரஸ் செய்தித் தொடர்பாளர் குஷ்பு தெரிவித்துள்ளார்.

அகில இந்திய காங்கிரஸ் கட்சியின் 84ஆவது காரிய கமிட்டி மாநாடு டெல்லியில் நடைபெற்று வருகிறது. அதில் பங்கேற்க வந்த குஷ்பு செய்தியாளர்களிடம் பேசியபோது, வரும் நாடாளுமன்ற தேர்தலில் வெற்றி பெற்று ராகுல்காந்தி தலைமையில் காங்கிரஸ் கட்சி ஆட்சி அமைக்கும் என நம்பிக்கை தெரிவித்தார்.

தற்போது தமிழகத்தில் நடைபெறும் ஆட்சி முதுகெலும்பில்லாத ஆட்சி என விமர்சித்த குஷ்பு, தங்களின் பதவிகளை காப்பாற்றிக்கொள்ளவும், ஊழல் வழக்குகளில் இருந்து தங்களை பாதுகாத்துக்கொள்ளவும், பாஜகவின் கைப்பாவையாக தமிழக ஆட்சியாளர்கள் உள்ளதாக குற்றம் சாட்டினார்.