Home Top Ad

தமிழ் படங்களில் ஒரு பெரும் அடையாள நட்சத்திரமாக திகழ்ந்தவர் நடிகை ஸ்ரீ தேவி. அவரின் மறைவு பலரையும் அதிர்ச்சியாக்கியுள்ளது. 80, 90 களில் பெண்...

விஜய் சொன்ன அந்த ஒரு வார்த்தைக்காக ஸ்ரீதேவி செய்த விசயம்!

தமிழ் படங்களில் ஒரு பெரும் அடையாள நட்சத்திரமாக திகழ்ந்தவர் நடிகை ஸ்ரீ தேவி. அவரின் மறைவு பலரையும் அதிர்ச்சியாக்கியுள்ளது. 80, 90 களில் பெண்களின் அபிமான நடிகையாக இருந்தவர்.

அவரின் மறைவுக்கு பலரும் வருத்தம் தெரிவித்து வருகின்றனர். பாலிவுட் திரையுலகிலேயே தன் குடும்பத்துடன் அவர் செட்டிலாகிவிட்டார். அவர் கடைசியாக தமிழில் நடித்த படம் புலி.

கடந்த 25 ஆண்டுகளுக்கு மேலாக தமிழ் படங்களில் நடிக்காமலேயே இருந்தார். புலி படத்தின் போது விஜய் தான் அவரிடம் வேண்டுகோள் வைத்தாராம். அவரின் அன்பு கோரிக்கையை ஏற்று உடனே ஓகே சொன்னாராம்.

0 coment�rios:

சினிமா ரசிகர்களுக்கு கொஞ்சம் அதிர்ச்சிதான். யாரும் எதிர்பார்க்காத வகையில் நேற்று நள்ளிரவில் மாரடைப்பால் மறைந்துவிட்டார் ஸ்ரீதேவி. இந்திய சி...

மறக்க முடியுமா, மயிலு? ஸ்ரீதேவி தடம் பதித்த 10 கேரக்டர்கள்!

சினிமா ரசிகர்களுக்கு கொஞ்சம் அதிர்ச்சிதான். யாரும் எதிர்பார்க்காத வகையில் நேற்று நள்ளிரவில் மாரடைப்பால் மறைந்துவிட்டார் ஸ்ரீதேவி. இந்திய சினிமாவின் அடையாளம். தனது நடிப்பால், ஏராளமான ரசிகர்களை கட்டிப்போட்டவர். தமிழ், தெலுங்கு, மலையாளம், கன்னடம் என தென்னிந்தியாவில் ஆரம்பித்த அவரது திரைக் கொடி இந்திய சினிமாவில் அசைக்க முடியாத ஒன்றாக பறந்தது. தென்னிந்தியாவில் இருந்து இந்திக்கு சென்று நம்பர் ஒன் நடிகையாக வலம் வந்தவர்.

அங்கும் தன் திறமையால் புகழ்கொடி நாட்டிய ஸ்ரீதேவியின் மறக்க முடியாத 10 கேரக்டர்கள்:

1. மூன்று முடிச்சு ’செல்வி’:
குழந்தை நட்சத்திரமாக நடித்து வந்த ஸ்ரீதேவி ஹீரோயினாக அறிமுகமான படம். ரஜினி, கமலுடன் போட்டிப் போட்டு நடிக்க வேண்டிய கட்டாயம். இந்தப் படத்தில் இடம்பெற்ற, ’வசந்த கால நதிகளிலே’ பாடல் என்றும் நிலைத்திருக்கும் ஒன்று. இதில் ஸ்ரீதேவியின் கேரக்டரான செல்வி பரபரப்பாகப் பேசப்பட்ட ஒன்று.

2. 16 வயதினிலே ’மயிலு’:
பாரதிராஜாவின் முதல் படம். கமல், ரஜினியுடன் ஸ்ரீதேவியின் நடிப்பும் பேசப்பட்டப் படம். இந்தப் படத்தின் மயிலு கேரக்டருக்கு மயங்காதவர்கள் இல்லை. ‘சப்பாணின்னா சப்புனு அறைஞ்சிரு’ என்று ஸ்ரீதேவி பேசும் வசனம் அப்போது பரபரப்பாகப் பேசப்பட்ட ஒன்று.

3. சிகப்பு ரோஜாக்கள், ’சாரதா’:
நடிகர் சிவகுமார் மறுத்ததால் கமல்ஹாசன் நடித்த படம் இது. முதல் இரண்டு கிராமத்துப் படங்களை இயக்கிவிட்டு திரில்லருக்கு வந்த பாரதிராஜா இதிலும் சாதித்தார். இந்தப் படத்தில் ஸ்ரீதேவியின் சாரதா கேரக்டர் பிரபலமான ஒன்று.

4. ’ப்ரியா’வின் பிரியா:

எஸ்.பி,முத்துராமன் இயக்கிய படம். ரஜினி ஹீரோ. ப்ரியா என்கிற நடிகையின் வாழ்க்கையை சுற்றிப் பின்னப்பட்ட கதையில் அபாரமாக நடித்திருந்தார் ஸ்ரீதேவி. அவரது ப்ரியா கேரக்டர் ரசிகர்களால் அதிகம் வரவேற்கப்பட்ட ஒன்று.

5. ஜானி ’அர்ச்சனா’
மகேந்திரன் இயக்கத்தில் ரஜினி இரட்டை வேடத்தில் நடித்த படம். இந்தப் படத்தில் ஸ்ரீதேவி, அர்ச்சனா என்ற கேரக்டரில் பாடகியாக கலக்கி இருப்பார். ’என் வானிலே, ஓர் வெண்ணிலா’,  ‘காற்றில் எந்தன் கீதம்’, ‘ஒரு இனிய மனது, இசையை சுமந்து செல்லும்’ ஆகிய பாடல்கள் ஸ்ரீதேவிக்கு மேலும் புகழைத் தந்தன.

6. வறுமையின் நிறம் சிவப்பு, ’தேவி’:
கே.பாலசந்தரின் காலத்தால் அழிக்க முடியாத படங்களில் ஒன்று. இதில் தேவியாக நடித்திருந்த ஸ்ரீதேவி, நடிப்பால் அனைவரையும் கட்டிப்போட்டிருப்பார். ‘சிப்பி இருக்குது முத்தும் இருக்குது’ பாடல் இன்றும் பலரின் நினைவுகளில் தாளமிட்டுக் கொண்டிருக்கிறது. அதில் வரும் ஸ்ரீதேவியின் நடிப்பும்.

7. மூன்றாம் பிறை, ’பாக்யலட்சுமி’:
பாலுமகேந்திராவின் தேசிய விருது வாங்கிய படம். மனநலம் பாதித்தவராக மிரட்டிய ஸ்ரீதேவி, இன்றும் பலர் நெஞ்சங்களில் வாழ்ந்துகொண்டிருக்கிறார். இந்தப் படத்துக்காக கமலுக்கு தேசிய விருது கிடைத்தது. ஸ்ரீதேவிக்குத்தான் கொடுத்திருக்க வேண்டும் என்ற விமர்சனம் அப்போது எழுந்தது.

8. வாழ்வே மாயம், தேவி:
ஆர். கிருஷ்ணமூர்த்தி இயக்கத்தில் கமல், ஸ்ரீப்ரியா, ஜெய்சங்கர் உட்பட பலர் நடித்த படம். ஸ்ரீதேவி, தேவி என்ற கேரக்டரில் நடித்திருந்தார். காதல் படமான இதில், கங்கை அமரனின் இசையில் பாடல்கள் சூப்பர் ஹிட். ஒரு காதலியாக, கமலால் நிராகரிக்கப்படும்போது கோபமான பெண்ணாக, உண்மை தெரிந்து கலங்கும் கடைசி கட்டம் என ஸ்ரீதேவி மிரட்டியிருப்பார்.

9. நான் அடிமை இல்லை, ‘பிரியா’:
ரஜினியுடன் ஸ்ரீதேவி நடித்த படம். துவாரகநாத் தயாரித்து இயக்கிய, இந்த படத்தில் காதலி, மனைவி என அசத்தியிருப்பார் ஸ்ரீதேவி. விஜய் ஆனந்த் இசையில், ’ஒரு ஜீவன் தான்’ உட்பட பாடல்கள் அனைத்தும் சூப்பர் ஹிட். இந்தி சினிமாவில் கவனம் செலுத்தத் தொடங்கிய ஸ்ரீதேவி, அதற்கு முன் கடைசியாக (1986-ம் ஆண்டு) நடித்த தமிழ்ப் படம் இது. 

10. இங்கிலீஷ் விங்கிலிஷ், சஷி காட்போலே:
இந்தப் படத்தில் ஆங்கிலம் தெரியாத ஒரு மிடில் கிளாஸ் அம்மாவின் யதார்த்தமான நடிப்பை, அப்படியே அள்ளித் தந்திருந்தார் ஸ்ரீதேவி. அவரது பதற்றம், அமெரிக்காவில் தடுமாற்றம் என அவரது இயல்பான நடிப்பில் தங்களை உணர்ந்த பெண்கள் பலர்.

0 coment�rios:

இந்திய சினிமாவின் முதல் லேடி சூப்பர்ஸ்டாராக விளங்கிய நடிகை ஸ்ரீதேவி சற்றுமுன் மரணமடைந்துள்ளார். இந்த தகவல் சினிமா துறையில் உள்ளவர்கள் மற்ற...

நடிகை ஸ்ரீதேவி திடீர் மரணம் - அதிர்ச்சி தகவல்


இந்திய சினிமாவின் முதல் லேடி சூப்பர்ஸ்டாராக விளங்கிய நடிகை ஸ்ரீதேவி சற்றுமுன் மரணமடைந்துள்ளார். இந்த தகவல் சினிமா துறையில் உள்ளவர்கள் மற்றும் ரசிகர்களுக்கு அதிர்ச்சியை கொடுத்துள்ளது.

ஸ்ரீதேவி நடிகர் Mohit Marwah வின் திருமணத்திற்காக துபாய் சென்றுள்ளார், அங்கு அவருக்கு திடீரென மாரடைப்பு ஏற்பட்டு உயிர் பிரிந்துள்ளது. 54 வயதாகும் அவர் நேற்று இரவு 11 - 11.30 மணிக்கு இறந்துவிட்டார் என நெருங்கிய உறவினர் ஒருவர் தெரிவித்துள்ளார்.

ஸ்ரீதேவியின் கணவர் மற்றும் இளைய மகள் அவரோடு சென்றுள்ளார். மூத்த மகள் ஜான்வி தற்போது சினிமாவில் நடித்துவருவதால் அவர் ஸ்ரீதேவியோடு செல்லவில்லை.

ஸ்ரீதேவியின் மரணம் பற்றிய தகவல் அறிந்து பிரபலங்கள் பலர் ஜான்விக்கு ஆறுதல் கூறுவதற்காக தற்போது அவரது வீட்டுக்கு விரைந்துள்ளனர்.

0 coment�rios:

தொப்பை ஒருவருக்கு வர ஆரம்பித்தால், அதுவே பல நோய்களை அழையா விருந்தாளியாக உடலினுள் நுழையச் செய்யும். எனவே தொப்பையைக் கரைத்து, தட்டையான வயிற்ற...

தொப்பையால் அவதியா?.. ஒரே மாதத்தில் குறைக்க சூப்பரான ஐடியா...

தொப்பை ஒருவருக்கு வர ஆரம்பித்தால், அதுவே பல நோய்களை அழையா விருந்தாளியாக உடலினுள் நுழையச் செய்யும்.

எனவே தொப்பையைக் கரைத்து, தட்டையான வயிற்றைப் பெற உதவும் ஓர் அற்புத மருந்து குறித்து இங்கு கொடுக்கபட்டுள்ளது. அதைப் படித்து குடித்து சிக்கென்று மாறுங்கள்.
தேவையான பொருட்கள்

    சியா விதைகள் - 2 டீஸ்பூன்
    எலுமிச்சை சாறு - 2 டீஸ்பூன்
    தேன் - 1 டீஸ்பூன்

சியா விதைகள் சியா விதைகளில் புரோட்டீன் அதிகம் உள்ளது. இதில் உள்ள புரோட்டீன் கொழுப்புக்களை எதிர்த்துப் போராடும்.

எலுமிச்சையில் வைட்டமின் சி ஏராளமான அளவில் உள்ளது. இது உடலின் மெட்டபாலிசத்தை மேம்படுத்தி, கொழுப்புக்களின் தேக்கத்தைக் குறைக்கும்.

தேனில் உள்ள ஆன்டி-ஆக்ஸிடன்ட்டுகள், உடலுக்கு பாதுகாப்பை வழங்குவதோடு, தொப்பையைக் குறைக்கவும் உதவி புரியும்.
தயாரிக்கும் முறை

ஒரு பௌலில் சியா விதைகளைப் போட்டு, சிறிது நீர் ஊற்றி 10 நிமிடம் ஊற வைத்துக் கொள்ள வேண்டும். பின் அந்த விதைகளை மற்றொரு பௌலில் போட்டு, அத்துடன் எலுமிச்சை சாறு மற்றும் தேன் சேர்த்து நன்கு கலந்தால், தொப்பையைக் குறைக்கும் அற்புத மருந்து தயார்!
உட்கொள்ளும் முறை

தயாரித்து வைத்துள்ள இந்த கலவையை தினமும் காலையில் உணவு உட்கொண்ட பின் சாப்பிட வேண்டும். இப்படி ஒரு மாதம் தொடர்ந்து சாப்பிட்டால், தொப்பை குறைந்திருப்பதைக் காணலாம்.

0 coment�rios:

இந்தியாவில் வரும் ஜூலை மாதம் முதல் புதிய மொபைல் நம்பர்கள் 13 இலக்கு கொண்டிருக்கும் என தகவல் வெளியாகியுள்ளது. இந்தியாவில் ஜூலை 1, 2018 முதல்...

13 இலக்க மொபைல் நம்பர் – இனி ஞாபகம் இருக்குமா?

இந்தியாவில் வரும் ஜூலை மாதம் முதல் புதிய மொபைல் நம்பர்கள் 13 இலக்கு கொண்டிருக்கும் என தகவல் வெளியாகியுள்ளது.

இந்தியாவில் ஜூலை 1, 2018 முதல் வழங்கப்படும் புதிய மொபைல் நம்பர்களில் 13 இலக்ககளை கொண்டிருக்கும் என தகவல் வெளியாகியுள்ளது. இத்துடன் தற்சமயம் பயன்படுத்தப்பட்டு வரும் 10 இலக்க மொபைல் நம்பர்களும் 13 இலக்ககளாக மாற்றப்படும் என தெரிவிக்கப்பட்டுள்ளது.

மத்திய டெலிகாம் துறை சார்பில் இசட்.டி.இ. டெலிகாம் (ZTE Telecom) மற்றும் நோக்கியா சொல்யூஷன்ஸ் நெட்வொர்க்ஸ் (Nokia Solutions Networks) போன்ற நிறுவனங்களுக்கு அனுப்பி இருக்கும் அறிக்கையில், சம்பந்தப்பட்ட நிறுவனங்களின் ஐடி மற்றும் இது தொடர்பான அனைத்து சிஸ்டம்களிலும் 13 இலக்க மொபைல் நம்பர்கள் ஜூலை 1, 2018க்குள் மாற்றம் செய்வதை உறுதி செய்ய வேண்டும் என தெரிவிக்கப்பட்டு இருக்கிறது.

தற்போது பயன்படுத்தப்படும் 10 இலக்க மொபைல் நம்பர்களை 13 இலக்ககளாக மாற்றம் செய்ய அக்டோபர் 1, 2018 முதல் டிசம்பர் 31, 2018க்குள் நிறைவு செய்ய திட்டமிடப்பட்டு இருக்கிறது.

சமீபத்தில் நடைபெற்ற கூட்டத்தில் பல்வேறு விவகாரங்கள் குறித்த பேச்சுவார்த்தை நடைபெற்றதாகவும், இதில் புதிய 10 இலக்க நம்பர்களை வழங்க முடிவு செய்து இறுதியில் 13 இலக்ககளுக்கு மாற்றுவது தவிர வேறு வழியில்லை என்ற முடிவு எட்டப்பட்டதாக கூறப்படுகிறது.

அந்த வகையில் இந்தியாவில் 13 இலக்க மொபைல் நம்பர் மாற்றம் செய்யப்படும் போது, நீண்ட இலக்ககள் கொண்ட மொபைல் நம்பர் பயன்படுத்தும் நாடுகளின் பட்டியலில் சீனாவை பின்னுக்கு தள்ளி இந்தியா முதலிடம் பிடிக்கும். தற்சமயம் பகுதி குறியீடு சேர்க்காமல் 11 இலக்க மொபைல் நம்பர் பயன்படுத்தும் சீனா உலகின் நீண்ட மொபைல் நம்பர் கொண்ட நாடாக இருக்கிறது.

1 coment�rios:

கமலின் மய்ய தளம்  வெளிநாட்டில் இருக்கும் ஒரு கிறிஸ்துவ மதபோதக அமைப்பின் கீழ் பதியப்பட்டிருப்பதாகவும், கமல் அந்த மதத்தின் ஆதரவாளர் என்றும் ஒ...

Maiam.com , Maiyam.com, மத நிதி உதவி... கமலின் மய்ய தளம் உண்மையில் சொல்வது என்ன?

கமலின் மய்ய தளம்  வெளிநாட்டில் இருக்கும் ஒரு கிறிஸ்துவ மதபோதக அமைப்பின் கீழ் பதியப்பட்டிருப்பதாகவும், கமல் அந்த மதத்தின் ஆதரவாளர் என்றும் ஒரு செய்தி டிவிட்டரில்  பரவிக்கொண்டு இருக்கிறது. இதைச் செய்பவர் அ.தி.முக.வின் IT விங்கில் இருப்பதாக தன் பக்கத்தில் குறிப்பிட்டுள்ளார்.

டிவிட்டர் பதிவு

 அந்த மதபோதக அமைப்பின் சென்னை கிளை, கமல் அவர்களின் அலுவலகத்திற்கு அருகிலேயே இருப்பதால், இவர் கூறுவது சரி என்று பலர் நம்பி வருகின்றனர்.  ஆனால், அதில் கமலின் இணையதளம் maiyam.com என்று தவறுதலாக குறிப்பிடப்பட்டுள்ளது. கமலிற்கு 'Maiyam.com private limited' என்று ஒரு நிறுவனம் இருந்தாலும், அது சார்பாக 'maiyam.com' என்ற இணையதளம் பதியப்பட்டிருப்பதாக எந்தத் தகவலும் இல்லை. கமலின் 'மக்கள் நீதி மய்யம்' கட்சிக்காகப் பதியப்பட்ட ஒரே தளம் 'maiam.com' மட்டுமே. அது எந்த மதபோதக அமைப்பின் கீழும் வரவில்லை.

அது மட்டுமின்றி, இன்டர்நெட் டொமைன்களை பொறுத்துவரையில், ஓர் இணையதள முகவரி தற்போது யார் கையில் இருக்கிறதோ, அவரே அதன் உரிமையாளர் என்று காட்டப்படும். அதே இணையதள முகவரியை அதற்கு முன்னர் யார் யாரெல்லாம் வைத்திருந்தார்கள் என்று கண்டறிவது கடினம். அந்தக் கோட்பாட்டின் படி பார்த்தால், 'maiyam.com' என்பது முதலில் கமல் பெயரில் இருந்து பின்னர் அது 'maiam.com' ஆனதால் புதுப்பிக்கப்படாமல் விட்டிருக்கலாம். அதை இந்த மதபோதக அமைப்பு வாங்கியிருக்கலாம்.

maiam.com இணையதள உரிமையாளர் விவரம்

உதாரணமாக, நீங்கள் 'raju.com' என்று ஓர் இணையதள முகவரி வைத்திருக்கிறீர்கள் என வைத்துக் கொள்வோம். அப்போது அதன் உரிமையாளர் யாரெனத் தேடினால் உங்கள் பெயர் வரும். ஆனால், அதற்கான காலம் முடிந்தபின், அதை நீங்கள் புதுப்பிக்கவில்லை என்றால் அது வேறு ஒருவர்க்கு விற்கப்படும். இப்போது அதன் உரிமையாளரைத் தேடினால், அது வேறொருவரின் பெயரை காட்டும். அதே முகவரியை நீங்கள் திரும்ப வாங்க வேண்டும் என்றால், அதை வாங்கியவருடன் பேரம் பேசி அதிக விலை தர வேண்டியிருக்கும். இப்படி காலாவதியான இணையதள முகவரிகளை வாங்கி, பின்னர் அதிக விலைக்கு நமக்கே விற்க ஒரு பெருங்கூட்டம் உண்டு. இணைய ஜாம்பவானான கூகுள் நிறுவனமே ஒருவரிடம் தனக்கு சொந்தமான இணையதள முகவரி ஒன்றை இழந்து பின்பு, அதிக விலை கொடுத்து மீட்டிருக்கிறது. அது போல ஒரு குளறுபடியாக இது இருக்கலாம்.

சில தளங்களின் உதவியுடன் எந்த ஒரு இணையதளத்தின் உரிமையாளர் யார் என்ற விபரங்களை எவர் வேண்டுமானாலும் தெரிந்துகொள்ளமுடியும். அந்த இணையதளம் யார் பெயரில் இருக்கிறது? அவருடைய முகவரி, இமெயில் ஐடி, மொபைல் எண், அவர் வேறு என்னென்ன தளங்களை பதிவு செய்திருக்கிறார் என்று ஒரு க்ளிக்கில் மொத்த ஜாதகத்தையும் கொட்டிவிடும். இதைப் பயன்படுத்திதான் அ.தி.மு.கவின் ஐடி விங்கைச் சேர்ந்த ஒருவர் கமலின் மையம் தளம் சில மத அமைப்புகளின் பெயரில் பதிவு செய்யப்பட்டுள்ளதாக கூறிவந்தார். ஆனால் கமல் கட்சியின் அதிகாரப்பூர்வ இணையதளமான Maiam.com க்கு பதிலாக maiyam.com என்று தவறான ஸ்பெல்லிங்கில் தேடியதால் மொத்தத் தகவலும் கமலின் தளம் பற்றிய தகவலாக இல்லாமல் maiyam.com பற்றிய விபரங்கள் பற்றியதாக அவருக்கு கிடைத்திருக்கிறது. maiyamம் கதையோ அப்படியிருக்க, maiamன் கதை வேறு மாதிரியாக இருக்கிறது.

சரி உண்மையில் maiam.com ன் ஜாதகம் என்ன சொல்கிறது? maiam.com என்ற இணையதளம் 1999 ல் இருந்து செயல்பட்டு வருகிறது. அப்போது இந்த இணையதளம் இத்தாலியைச் சேர்ந்த Maia Marrison என்ற ரியல் ஸ்டேட் ஏஜெண்ட் ஒருவருக்குச் சொந்தமானதாக இருந்தது. 2008 க்கு பிறகு அந்த சைட் ஆக்டிவாக இல்லை. இந்தத் தகவலின்படி 2018 ஜனவரியில் தான் அந்த இணையதளம் விற்கப்பட்டுள்ளது. அந்த இணையதளத்தில்தான் தற்போது கமல் கட்சியின் அதிகாரப்பூர்வ தளம் செயல்பட்டுவருகிறது. இந்த இணையதளம் மைலாப்பூர் அட்ரஸில் பதிவு செய்யப்பட்டுள்ளது.  அதோடு maiyam.com என்ற இணையதளம் செயல்பாட்டிலேயே இல்லை. வெறும் ஸ்பேம் சைட்டாகத்தான் இருக்கிறது.

 

0 coment�rios:

பத்மநாபசுவாமிகோயில் பற்றிய பல செய்திகளை நீங்கள் கேள்வி பட்டிருக்கலாம். அதன் கட்டுமானம், வரலாறு பொக்கிஷம் என பெரும்பாலானவை நமக்கு தெரிந்தவைத...

உயிருடன் நாகம் காக்கும் இந்த மர்ம அறையை திறந்தால் உலகம் அழியும்! தோண்டத் தோண்ட அம்பலமாகும் மர்மம்..

பத்மநாபசுவாமிகோயில் பற்றிய பல செய்திகளை நீங்கள் கேள்வி பட்டிருக்கலாம். அதன் கட்டுமானம், வரலாறு பொக்கிஷம் என பெரும்பாலானவை நமக்கு தெரிந்தவைதான்.

பத்மநாபசுவாமி கோயில் கேரள மாநிலம் திருவனந்தபுரத்தில் பகவான் விஷ்ணுவுக்காக அர்ப்பணிக்கப்பட்ட ஆலயமாகும். இது திருவிதாங்கூர் மன்னர் குடும்பத்தினரால் பராமரிக்கப்பட்டு வருகிறது.

குறித்த ஆலயத்தில் சேம்பர் பி என அழைக்கப்படும் மர்ம அறை மற்ற அறைகளைப் போலல்லாது பத்மநாபசுவாமியின் கட்டுப்பாட்டில் இருப்பதாக கூறப்படுகிறது.

இந்த மர்ம அறை திறக்கப்பட்டால் உலகம் அழியும் என பத்மநாபசுவாமியின் பக்தர்கள் திடகாத்திரமாக நம்புகின்றனர். இங்கு உயிருடன் நாகம் இருப்பதாகவும், இதனால்தான் திறக்க மறுப்பதாகவும் கூறுகின்றனர்.

0 coment�rios:

தமிழ் சினிமாவின் பிரபல நடிகர் ஆர்யா விரைவில் திருமணம் செய்யவுள்ளார். இதற்காக நவீன சுயம்வர நிகழ்ச்சியாக எங்க வீட்டு மாப்பிள்ளை நிகழ்ச்சியில்...

ஆர்யாவை திருமணம் செய்ய கனடாவிலிருந்து வந்த இலங்கை பெண் கொடுத்த அதிர்ச்சி தகவல்

தமிழ் சினிமாவின் பிரபல நடிகர் ஆர்யா விரைவில் திருமணம் செய்யவுள்ளார். இதற்காக நவீன சுயம்வர நிகழ்ச்சியாக எங்க வீட்டு மாப்பிள்ளை நிகழ்ச்சியில் கலந்து கொண்டுள்ளார்.

இந்த நிகழ்ச்சியில் எல்லா தரப்பு பின்னணியிலுமிருந்து 16 பெண்கள் கலந்து கொண்டுள்ளனர். இதில் கனடாவிலிருந்து சூசனா என்ற ஒரு இலங்கை பெண் வந்துள்ளார். இவர் கதிர்வீச்சு சிகிச்சை நிபுணராக உள்ளாராம்.

இவர் ஆர்யாவிடம் பேசுகையில், உங்களிடம் ஒரு விஷயம் சொல்லனும். அதாவது நான் விவாகரத்தானவர், எனக்கு ஒரு மகன் இருக்கிறான் என்ற தகவலை கூறியுள்ளார்.

இதைக்கேட்ட ஆர்யா கொஞ்சம் ஷாக்காகியுள்ளார். இனி எந்த மாதிரியான முடிவு எடுப்பார் என அடுத்தடுத்த நாட்களில் தெரியவரும்.

0 coment�rios:

அமானுஷ்யத்தை அடிப்படையாகக் கொண்டு 6 இயக்குநர்களால் உருவாக்கப்பட்ட 6 கதைகளின் தொகுப்பே 6 அத்தியாயம்.  சூப்பர் ஹீரோ சுப்பிரமணி தன்னை ஒரு சூ...

6 அத்தியாயம் - திரைவிமர்சனம்

அமானுஷ்யத்தை அடிப்படையாகக் கொண்டு 6 இயக்குநர்களால் உருவாக்கப்பட்ட 6 கதைகளின் தொகுப்பே 6 அத்தியாயம். 

சூப்பர் ஹீரோ

சுப்பிரமணி தன்னை ஒரு சூப்பர் ஹீரோவாகக் கருதுகிறார். ஆந்திராவில் நடக்க இருந்த ஒரு ரயில் விபத்தை சென்னை மடிப்பாக்கத்தில் உள்ள மொட்டைமாடியில் இருந்தபடி தடுத்ததாகக் கூறுகிறார். வீட்டில் அவர் சாகசத்தை யாரும் நம்பத் தயாராக இல்லாததால் ஒரு மனநல மருத்துவர் முன் தன் கதையைச் சொல்கிறார். ஆதாரம் இருக்கா? என மருத்துவர் கேட்க, விமான விபத்தைத் தடுத்ததாகவும், ஸ்பென்சரில் வெடிக்க இருந்த வெடிகுண்டை எடுத்து கடற்கரையில் வீசியதாகவும் விவரிக்கிறார். இதை நம்புவதா, வேண்டாமா என்ற குழப்பத்தில் இருந்த மனநல மருத்துவர் சுப்பிரமணியைத் தட்டிக்கொடுத்து உற்சாகப்படுத்துகிறார். நாளை சோதனைக்கு வா என்று சொல்லி, மிகப் பெரிய ஒரு பரிசோதனை முயற்சிக்கு தன்னை தயார்படுத்திக் கொள்கிறார் மருத்துவர். அந்த முயற்சி என்ன என்பது கிளைமேக்ஸ்.

சுப்பிரமணியாக தமன் குமார் இயல்பான நடிப்பை வெளிப்படுத்தி இருக்கிறார். தன்னை யாரும் நம்புவதே இல்லை என்ற கவலையை அவர் வெளிப்படுத்தும் விதம் ரசனை. மனநல மருத்துவராக இயக்குநர் எஸ்.எஸ்.ஸ்டேன்லி தேர்ந்த நடிப்பை வழங்கி இருக்கிறார். கேபிள் ஷங்கர் இயக்கிய இந்தப் படம் மிக முக்கியமான உளவியல் கூறைப் பேசுகிறது. ஆனால், முடிவை நம் யூகத்துக்கே விட்டு விடுவதால் படத்துக்கான பலம் உடைபடுகிறது.

இது தொடரும்

சாதாரணமாக பந்து விளையாடிக் கொண்டிருக்கும் ஒரு சிறுமி, ஒருவரைப் பார்த்து அதிகம் பயப்படுகிறார். அவர் வருவது தெரிந்தாலே தடம் தெரியாமல் இருக்க ஒளிந்து கொள்கிறார். இதைக் கவனிக்கும் ஒரு இளம்பெண் ஏன் அவரைப் பார்த்து அச்சப்படுகிறாய்? என்று கேட்கிறார். அதற்கு ஒரு அதிர்ச்சியான பிளாஷ்பேக் சொல்கிறார் அந்தச் சிறுமி.

குழந்தைகள் மீதான பாலியல் வன்கொடுமையை அழுத்தமாகச் சொல்ல வேண்டிய படம் வெறுமனே கடந்துபோகிறது.

பாப் சுரேஷ், திவ்யா, சிறுமி சாதன்யா ஆகிய மூவரின் நடிப்பிலும் செயற்கைத் தன்மையே மிஞ்சுகிறது. வலுவாகச் சொல்ல வேண்டிய கருத்தை மிக சாதாரணமான காட்சிகளில் சொல்லியிருக்கிறார் இயக்குநர் சங்கர் தியாகராஜன்.

மிசை

கல்லூரி இளைஞன் கிஷோர் தன்னுடன் படிக்கும் மதுஸ்ரீயைக் காதலிக்கிறார். அறை நண்பர்கள் இருவருக்கும் தெரியாமல் காதலை வளர்க்கிறார். கிஷோர் மீதான கோபத்தில் இருக்கும் அறை நண்பர்கள் பிரசன்னா கதிரும், ரான்டில்யாவும் அவனைப் பழிவாங்கும் நோக்கத்தோடு மதுஸ்ரீயின் புகைப்படத்துக்கு மாறி மாறி முத்தம் கொடுக்கிறார்கள். இதை அறிந்த கிஷோர் அவர்களைக் கொலை செய்யும் நோக்கத்துடன் கத்தியுடன் வர, அங்கே திடீரென்று மதுஸ்ரீ என்ட்ரி ஆகிறார். அதற்குப் பிறகு என்ன நடக்கிறது என்பதே மிசை.

கதையிலும், தொழில்நுட்ப ரீதியிலும் பலவீனம் மட்டுமே தெரிகிறது. இயக்குநர் அஜயன் பாலாவின் திரை மொழி நம்மை எவ்விதத்திலும் கட்டிப்போடவில்லை. யூகித்த மாதிரியே கிளைமாக்ஸ் அமைந்துவிடுகிறது.

அனாமிகா

மாமா கேபிள் ஷங்கரின் நீண்ட நாள் வேண்டுகோளின் படி, அவரது வீட்டுக்குச் செல்கிறார் சஞ்சீவ். அவசர வேலையாக கேபிள் ஷங்கர் வெளியே செல்ல, தன்னந்தனியாக இருக்கும் சஞ்சீவ் பயத்தில் நடுங்குகிறார். கூப்பிடும் தூரத்தில் இருக்கும் தாத்தாவைப் பார்க்க மாமாவுடன் சென்ற போது, இளம்பெண்ணைப் பார்த்ததும் உற்சாகம் ஆகிறார். ஆனால், அப்படிப்பட்ட ஒரு பெண்ணே அங்கு இல்லை என்று மாமா போனில் சொன்னதும், சஞ்சீவுக்கு தூக்கிவாரிப் போடுகிறது. அன்றைய இரவை சஞ்சீவ் தனியாகக் கடக்க முடிந்ததா, நடந்தது என்ன? என்பதே அனாமிகா.

இஏவி சுரேஷ் இயக்கத்தில் உருவான இப்படத்தில் சஞ்சீவ், கேபிள் ஷங்கர், தாத்தா செல்லத்துரை, காயத்ரி ஆகியோர் இயல்பாக தங்கள் கதாபாத்திரங்களில் பொருந்திப் போகிறார்கள். பேய் பயத்தில் இருக்கும் சஞ்சீவ் ஏன் சும்மா சும்மா தாத்தா வீட்டுக்கும், மாமா வீட்டுக்கும் ஓடிக்கொண்டே இருக்கிறார்?, பேய் பயத்தில் அலறும் சஞ்சீவ் எப்படி ஒருவர் தூக்கு மாட்டி தற்கொலை செய்து கொண்ட வீடு என்று தெரிந்தும் தங்குகிறார் என்ற லாஜிக் கேள்விகள் இடிக்கின்றன.

சூப் பாய் சுப்பிரமணி

எந்தப் பெண்ணை நெருங்கினாலும் ஒரு பேய் வந்து தன்னை தொந்தரவு செய்கிறது. இதனால் காதலிக்காமல், கல்யாணம் ஆகாமல் இருக்கிறேன் என்று ஒரு சாமியாரிடம் சரண் அடைகிறார் விஷ்ணு. அவருக்கு நிகழும் பிரச்சினையை லைவ் ஆகப் பார்க்க ஆசைப்படும் சாமியார், ஒரு பெண்ணை போன் போட்டு அழைக்கிறார். உண்மையில் யார் அந்தப் பேய், ஏன் விஷ்ணுவை தொந்தரவு செய்கிறது என்பதை நகைச்சுவையாகச் சொல்லி இருக்கும் படம் சூப் பாய் சுப்பிரமணி.

லோகேஷ் ராஜேந்திரன் இயக்கியிருக்கும் இப்படம் ரசிகர்களை சிரிக்க வைக்கிறது. ஆசிப் பிரியாணி இல்லாட்டியும் பசிக்கு அம்மா உணவகமாவது கிடைச்சா சரி உள்ளிட்ட சில இடங்களில் வரும் வசனங்கள் ரசிக்க வைக்கின்றன. முடிவு ஒன்லி காமெடி மேஜிக் ஆக உள்ளது.

சித்திரம் கொல்லுதடி

1939, 2013, 2016 என்று மூன்றுவித காலகட்டத்தில் நடக்கும் கதை. ஒரு சித்திரத்தை முழுமையாக வரைந்து முடிக்கும் எந்த ஓவியரும் உயிரோடு இருக்கமாட்டார். அதற்குக் காரணம் ஒரு அப்பாவிப் பெண்ணின் சபதமும், சத்தியமுமே காரணம். இது விதியா? சதியா? கட்டுக்கதையா? என்ன நடக்கிறது என்ற மர்மத்தை அவிழ்க்கிறது சித்திரம் கொல்லுதடி.

கதை, திரைக்கதை, தொழில்நுட்ப நேர்த்தி, கதாபாத்திரத் தேர்வு என அத்தனையிலும் இயக்குநர் ஸ்ரீதர் வெங்கடேசனின் தேர்வு கச்சிதம். கோகிலாவுக்கான கதையில் சுவாரஸ்யமும், திகில் படத்துக்குரிய அம்சங்களும் அழகாக அணிவகுக்கின்றன. வினோத் பக்குவமான நடிப்பை வழங்கி முத்திரை பதிக்கிறார்.

குறும்படங்களின் தொகுப்பாக சில படங்கள் மலையாள சினிமாவிலும், தமிழ் சினிமாவிலும் வெளி வந்திருக்கின்றன. பேய் என்ற ஒற்றை ஒற்றுமையைக் கொண்டு அதே வகையிலான ஆறு படங்களைத் தொகுத்துத் தந்திருக்கும் ஆந்தாலஜி சினிமா என்கிற வகையில் 6 அத்தியாயம் தமிழ் சினிமாவில் வரவேற்கப்பட வேண்டிய நல் முயற்சி. ஆனால், ஒளிப்பதிவு, இசை, எடிட்டிங் போன்ற தொழில்நுட்ப ரீதியில் இது தொடரும், மிசை, அனாமிகா ஆகிய படங்கள் பின்னோக்கி இருக்கின்றன. அதற்கு பட்ஜெட்டும் ஒரு பெரிய காரணமாக இருந்திருக்கக் கூடும்.

சூப் பாய் சுப்பிரமணி படம் நகைச்சுவையில் கொஞ்சம் சிரிக்க வைத்து தப்பித்து விடுகிறது. சித்திரம் கொல்லுதடி மட்டுமே படத்துக்கான எல்லா அம்சங்களிலும் ஈர்க்கிறது. 6 படங்களுக்கான கிளைமாக்ஸை இறுதியில் சொல்லும் விதம் நல்ல யோசனைதான். அது ரசிகர்களுக்கான ஈடுபாட்டை வளர்த்தெடுக்க உதவும்தான். ஆனால், அந்த ஐடியா 6 படங்களுக்கும் தொடர்வது புத்திசாலித்தனமாக இல்லை. அதுவும் முன்கதைச் சுருக்கத்தை மறு நினைவூட்டும் ஃப்ளாஷ் கட்டில் கச்சிதத்தைக் கடைபிடித்திருக்கலாம். ஆனாலும், வழக்கமும், பழக்கமுமான ஃபார்முலாவில் இருக்கும் தமிழ் சினிமாவை அடுத்த கட்டத்துக்கு அழைத்துச் செல்வதில் 6 அத்தியாயம் மாற்று முயற்சி என்பதை மறுப்பதற்கில்லை.

0 coment�rios:

கலிலியோ…இன்றைய அறிவியல் புரட்சிக்கு 15ம் நூற்றாண்டிலேயே வித்திட்டவர். நவீன வானியலின் தந்தை எனக் குறிப்பிடப்படுகின்றார். இத்தாலியில் பிறந்து...

பாதுகாக்கப்படும் கலிலியோவின் விரல் !!!

கலிலியோ…இன்றைய அறிவியல்
புரட்சிக்கு 15ம்
நூற்றாண்டிலேயே வித்திட்டவர். நவீன
வானியலின் தந்தை எனக்
குறிப்பிடப்படுகின்றார். இத்தாலியில்
பிறந்து, சூரியக் குடும்பம் பற்றிய பல
உண்மைகளை உலகுக்கு உணர்த்தியவர்.
விஞ்ஞானி ஐன்ஸ்டீனின் மானசீக
குருவான கலிலியோ பற்றிய
சுவாரஸியமான தகவல்கள் இதோ…
பெண்டுலம் கடிகாரத்தை உருவாக்க
பெரும்பாடுபட்டார் கலிலியோ.
ஆனால் அந்த ஆராய்ச்சியில்
அவருக்கு தோல்வியே கிடைத்தது.
ஆயினும் அவரது ஆய்வுக் குறிப்புகள்
தான், பின்னாளில் வந்த இயற்பியல்
விஞ்ஞானிகளுக்கு வேத
பாடமாகியது.
இத்தாலியிலுள்ள பைசா நகர பல்கலைக்
கழகத்தில் கலிலியோவுக்கு கணித
பேராசிரியராக வேலை கிடைத்தது.
ஆனால் தனது ஆராய்ச்சிகளின்
காரணமாக மாணவர்கள் மீது கவனம்
செலுத்தாமல் இருந்ததால், அவர
பல்கலைக்
கழகத்திலிருந்து நீக்கி விட்டனர்.
கண்ணாடி பிம்பம் -
மெழுகுவர்த்தி மூலம் ஒலியைப்
பிரதிபலிக்கும் தொழில்நுட்பம்,
பாக்கெட்டில் வைக்கும் சீப்பு, ரீஃபில்
பேனா போன்ற
கண்டுபிடிப்புகளுக்கு கலிலியோவின்
ஆய்வுகள் தான் அடிப்படை ஆதாரம்.
தனது சூரிய மண்டலம் பற்றிய
கருத்துகளால் வாட்டிக்கான்
சிட்டி கத்தோலிக்க நிர்வாகத்தால்
விசாரணைக்கு உட்படுத்தப்பட்டார்.
கடுமையான மன
உளைச்சலுக்கு ஆளான கலிலியோ,
1633ம் ஆண்டு வீட்டுக்காவலில் வைக்க
உத்தவிடப்பட்டார். 1638ம்
ஆண்டு அவருக்கு இரு கண்களும்
பாதிக்கப்பட்டு, பார்வை இழந்தார். 1642ம்
ஆண்டு தனது வீட்டில் உயிரிழந்தார்.
கலிலியோ இறந்து 100 ஆண்டுகள் கழிந்த
பின், 1737ம் ஆண்டு அவரது உடலின்
எஞ்சிய பாகங்கள் அனைத்தும்,
கல்லறையிலிருந்து மீண்டும்
வெளியே எடுக்கப்பட்டு,
சாண்டா குரோஸ் தேவாலயத்தில்
அமைக்கப்பட்ட நினைவு மண்டபத்தில்
மீண்டும் அடக்கம் செய்யப்பட்டது.
அப்போது ஆண்டன்
பிரான்செஸ்கோ என்பவர்
கலிலியோவின்
வலது கை நடுவிரலை எடுத்து
பத்திரப்படுத்தினார். அந்த விரல்
தற்போது பதப்படுத்தப்பட்டு,
இத்தாலியின் புளோரன்ஸ்
அருங்காட்சியகத்தில்
வைக்கப்பட்டுள்ளது.

0 coment�rios:

ராஜஸ்தான் தலைமைச் செயலகத்தில் அமானுஷ்யமான சம்பவங்கள் நடப்பதாக அந்த மாநிலச் சட்டமன்ற உறுப்பினர்கள் பீதி கிளப்பியுள்ளனர்.   ராஜஸ்தான் மாநிலத்...

ஒருகாலத்தில் இடுகாடு; தற்போது தலைமைச் செயலகம்' - பேய் பீதியில் ராஜஸ்தான் எம்.எல்.ஏ-க்கள்

ராஜஸ்தான் தலைமைச் செயலகத்தில் அமானுஷ்யமான சம்பவங்கள் நடப்பதாக அந்த மாநிலச் சட்டமன்ற உறுப்பினர்கள் பீதி கிளப்பியுள்ளனர்.  

ராஜஸ்தான் மாநிலத்தில் பா.ஜ.க தலைமையிலான அரசு ஆட்சியில் உள்ளது. வசுந்தரா ராஜே முதல்வராக உள்ளார். இந்தாண்டு அங்கு சட்டப்பேரவை தேர்தல் நடைபெறுவதால் பா.ஜ.க அரசு மும்முரமாகத் தேர்தல் பணிகளில் ஈடுபட்டு வருகிறது. இதனிடையே அந்த மாநிலச் சட்டமன்ற உறுப்பினர்கள் `பேய்’ பயத்தில் உறைந்துள்ளனர். 

இதுகுறித்து அவர்கள் முன்வைக்கும் காரணங்கள் பின்வருமாறு... ராஜஸ்தான் சட்டப்பேரவையின் கூட்டங்களில் 200 சட்டமன்ற உறுப்பினர்களும் வருகை தந்து நீண்ட நாள்கள் ஆகிவிட்டன. எம்.எல்.ஏ இறப்பு, எம்.எல்.ஏ-க்கள் மீது போலீஸ் வழக்கு என அபசகுணமான காரணங்களால் சட்டப்பேரவையில் முழு வருகைப்பதிவு இருப்பதே கிடையாது.

ராஜஸ்தான் மண்டேல்கர் தொகுதி எம்.எல்.ஏ கீர்த்தி குமாரி கடந்த ஆண்டு ஆகஸ்ட் மாதம் பன்றிக்காய்ச்சலால் உயிரிழந்தார். நத்வாரா எம்.எம்.ஏ கல்யாண் சிங் உடல்நலக்குறைவால் கடந்த வாரம் உயிரிழந்தார். இதுபோல் எம்.எம்.ஏ-க்கள் அடுத்தடுத்து உயிரிழந்து வருவது அவர்களிடையே பயத்தை அதிகரித்துள்ளது. காங்கிரஸ் எம்.எல்.ஏ-க்களில் மூன்று பேர் கொலை மற்றும் பாலியல் வழக்குகளில் சிறைக்குச் சென்றுவிட்டனர். இதனால் ராஜஸ்தான் தலைமைச் செயலகத்தில் தீய சக்திகள் நடமாடுவதாகவும் யாகம் நடத்தி பேய்களைத் துரத்த வேண்டும் என்றும் எம்.எல்.ஏ-க்கள் முதல்வர் வசுந்தரா ராஜேவிடம் வேண்டுகோள் விடுத்துள்ளனராம்.

இதுபற்றி நகவூர் தொகுதி பா.ஜ.க எம்.எல்.ஏ ஹபிபூர் ரஹ்மான் ஊடகங்களுக்கு அளித்த பேட்டியில்,  `ராஜஸ்தானின் தலைமைச் செயலகம் அமைந்துள்ள இடம் ஒருகாலத்தில் இடுகாடாக இருந்தது. எனவே, அங்கு பேய் நடமாட்டம் இருக்க வாய்ப்புள்ளது. தலைமைச் செயலகத்தில் இருந்து தீய சக்திகள் விரட்டப்பட வேண்டும். முதல்வர் வசுந்தரா ராஜே உரிய நடவடிக்கை எடுக்க வேண்டும்’ என்று குறிப்பிட்டுள்ளார்.

0 coment�rios:

நடிகர் சிவகார்த்திகேயன் இந்த ஆண்டு மூன்று படங்களில் கமிட்டானார். ஏற்கனவே வேலைக்காரன் வெளியாகிவிட்டது. அடுத்து பொன்ராம் இயக்கத்தில் சீமராஜா ...

சிவகார்த்திகேயனின் புதிய படத்தில் கதை இதுதானாம்! பிரம்மாண்ட பிளான்

நடிகர் சிவகார்த்திகேயன் இந்த ஆண்டு மூன்று படங்களில் கமிட்டானார். ஏற்கனவே வேலைக்காரன் வெளியாகிவிட்டது. அடுத்து பொன்ராம் இயக்கத்தில் சீமராஜா படத்தில் சமந்தாவுடன் நடித்து வருகிறார்.

இதனை அடுத்து அவர் இன்று நேற்று நாளை படத்தின் இயக்குனர் ரவிச்சந்திரன் இயக்கத்தில் புதிய படத்தில் கமிட்டானார். இப்படத்திற்கு ரஹ்மான் இசைமைக்க, ராகுல் பிரீத் சிங் ஜோடியாகிறார்.

தற்போது இப்படத்தில் வேற்றுகிரகவாசிகளான ஏலியன்கள் பூமியை அழிக்க வருகிறார்கள். அவர்களிடமிருந்து மக்கள் எப்படி தங்களை காத்துக்கொள்கிறார்கள் என்ற சிறப்பம்சம் இடம்பெற்றிருக்குமாம்.

மேலும் கதையில் ஒரு புதுவடிவம் இருப்பதோடு படத்தின் சில கிராஃபிக்ஸ் காட்சிகளை அமெரிக்காவில் தயாரிக்க முடிவு செய்துள்ளார்களாம். ஹாலிவுட் படம் போல இருக்கும் என்கிறார்கள்.

0 coment�rios: