டிஸ்கிராஃபியா என்பது கற்றல் சிரமம், இது கையெழுத்து மற்றும் சிறந்த விசைப்பொறித் திறன்களை பாதிக்கிறது (கைகள் மற்றும் மணிக்கட்டுகளின் சிறிய தசைகளை ஒத்திசைப்பதன் மூலம் இயக்கங்களை உருவாக்கும் திறன்). அனைத்து இளம் குழந்தைகளும் தங்கள் கையெழுத்தை எழுதவும் மேம்படுத்தவும் கற்றுக் கொள்ளும்போது சிக்கல்களை எதிர்கொள்கின்றனர்.

ஆனால் உங்கள் குழந்தையின் கையெழுத்து தொடர்ந்து தெளிவற்றதாகவோ அல்லது சிதைந்ததாகவோ இருந்தால், உங்கள் பிள்ளை எழுதுவதை வெறுக்கிறான் என்றால், கடிதங்களை உருவாக்கும் செயல் அவர்களுக்கு நீண்ட சோர்வு உணர்வாகத் தோன்றுகிறது என்றால் - இது டிஸ்கிராஃபியாவின் அறிகுறியாக இருக்கலாம். ஒரு குழந்தை எழுதக் கற்றுக் கொள்ளும்போது இது பெரும்பாலும் அடையாளம் காணப்படுகிறது, இருப்பினும், டிஸ்கிராஃபியா குறிப்பாக லேசான நிகழ்வுகளில் பல ஆண்டுகளாக கவனிக்கப்படாமலும் போகலாம் .

டிஸ்கிராஃபியாவின் காரணங்கள்:

நிபுணர்களின் கூற்றுப்படி, பொதுவாக ஆர்த்தோகிராஃபிக் குறியீட்டு முறையின் சிக்கலால் குழந்தைகளில் டிஸ்கிராஃபியா ஏற்படுகிறது. இந்த நரம்பியல் கோளாறு, பணிபுரியும் நினைவகத்தை (இது எழுதப்பட்ட சொற்களை நிரந்தரமாக நினைவில் வைத்துக் கொள்ளவும், அந்த வார்த்தைகளை எழுத நம் கை மற்றும் விரல்களை அவ்வாறு பயன்படுத்தவும் அனுமதிக்கிறது) பாதிக்கிறது. இது குழந்தைகளில் பெரும்பாலும் பிற கற்றல் குறைபாடுகளான ADHD (Attention-Deficit / Hyperactivity Disorder) மற்றும் டிஸ்லெக்ஸியா போன்றவற்றுடன் நிகழ்கிறது. பெரியவர்களில் மூளைக் காயமானது டிஸ்கிராஃபியாவின் அறிகுறிகளைத் தூண்டும்.

டிஸ்கிராஃபியாவின் அறிகுறிகள்:

தெளிவற்ற மற்றும் சிதைந்த கையெழுத்து என்பது டிஸ்கிராஃபியாவின் மிகவும் பொதுவான அறிகுறியாகும். இருப்பினும், சில நேரங்களில் உங்கள் பிள்ளைக்கு நேர்த்தியான கையெழுத்து இருக்கும்போது கூட டிஸ்கிராஃபியா ஏற்பட வாய்ப்புள்ளது. அவ்வாறான நிலையில், நேர்த்தியாக எழுதுவது உங்கள் பிள்ளைக்கு கடினமான மற்றும் நேரத்தைச் செலவழிக்கும் பணியாக மாறும்.

சில பொதுவான பண்புகள்

* பொருத்தமற்ற வார்த்தைகள் மற்றும் சொல் இடைவெளி

* அடிக்கடி அழித்தல்

* தவறான எழுத்துப்பிழை மற்றும் மேல்வரிசை எழுத்துக்கள்

* பொருத்தமற்ற வார்த்தைகள் மற்றும் சொல் இடைவெளி

* கூட்டெழுத்து மற்றும் அச்சு எழுத்துக்களின் கலவை

* சொற்களை நகலெடுப்பதில் சிக்கல்

* சோர்வான எழுத்து

* எழுதும் போது சத்தமாக வார்த்தைகளை சொல்லும் பழக்கம்

* வாக்கியத்திற்கு தேவையான சொற்களும் வார்த்தைகளும் இல்லாமலிருத்தல்.

* மோசமான இடஞ்சார்ந்த திட்டமிடல் (காகிதத்தின் அளவுக்குள் அல்லது அதன் விளிம்புக்குள் கடிதங்களை முடிப்பதில் சிரமம்)

* முறையற்ற எழுதுகோல் பிடிப்பு விரலில் புண்களுக்கு வழிவகுக்கும்.

டிஸ்கிராஃபியா நோயறிதல்

டிஸ்கிராஃபியா நோயறிதல் பொதுவாக ஒரு மருத்துவர், உரிமம் பெற்ற உளவியலாளர் அல்லது பிற குழந்தைகள் மனநல வல்லுநர்கள் ( இந்தக் குறைபாட்டைக் கண்டறிவதில் அனுபவம் பெற்ற ) உள்ளிட்ட நிபுணர்களின் குழுவினரால் செய்யப்படுகிறது. இந்த குறைபாட்டைக் கண்டறிவதில் பயிற்சியளிக்கப்பட்ட டிஸ்கிராஃபியா நிபுணரை நீங்கள் தொடர்ந்து அணுகலாம்.

நோயறிதலில் ஐக்யூ (IQ) சோதனை இருக்கலாம். குழந்தைகளின் பள்ளிப் பணி அல்லது கல்விப் பணிகளின் அடிப்படையில் அறிகுறிகள் மதிப்பிடப்படலாம். டிஸ்கிராஃபியாவுக்கான சோதனைகளில் ஒரு எழுதும் சோதனை , வாக்கியங்களை நகலெடுப்பது அல்லது சுருக்கமான கட்டுரை கேள்விகளுக்கு பதிலளிப்பது ஆகியவை அடங்கும். மேலும் அவை சிறந்த மோட்டார் திறன்களையும் சோதிக்கின்றன, அங்கு உங்கள் பிள்ளை நிர்பந்தமான செயல்கள் மற்றும் மோட்டார் திறன்களைப் பற்றி சோதிக்கப்படுவார். உங்கள் பிள்ளை அவன் எண்ணங்களை எவ்வாறு ஒழுங்கமைக்க முடியும் மற்றும் அவர்களின் எழுத்தின் தரம் உள்ளிட்ட கருத்துக்களை எவ்வாறு வெளிப்படுத்த முடியும் என்பதை நிபுணர் அதன் மூலம் தீர்மானிக்க முயற்சிக்கிறார்.
டிஸ்கிராஃபியாவின் சிகிச்சை:

டிஸ்கிராஃபியாவின் சிகிச்சை:

டிஸ்கிராஃபியாவுக்கு நிரந்தர சிகிச்சை இல்லை. சிகிச்சையாளர்கள் வேறு ஏதேனும் கற்றல் குறைபாடுகள் அல்லது சுகாதார நிலைமைகள் உள்ளதா என்பதை சரிபார்க்க வேண்டும். ADHD க்கு சிகிச்சையளிக்கப் பயன்படுத்தப்படும் மருந்துகள் இரு நிலைகளாலும் பாதிக்கப்பட்ட குழந்தைகளில் டிஸ்கிராஃபியாவுக்கு உதவியுள்ளன. கையெழுத்து திறன்களை மேம்படுத்த தொழில்சார் சிகிச்சை உதவக்கூடும். தொழில்சார் சிகிச்சை கீழுள்ள செயல்களைச் செய்ய குழந்தைகளை ஊக்குவிக்கிறது,

* பேனாவை ஒரு புதிய வழியில் பிடிப்பதைப் பயிற்சி செய்வதால், எழுத்து அவர்களுக்கு எளிதாக இருக்கும்,

* மாடலிங் களிமண்ணுடன் பணிபுரிதல்,

* இணைப்பு-புள்ளி புதிர்களைத் தீர்ப்பது,

* பிரமைகளுக்குள் கோடுகள் வரைதல், மற்றும்

* மேசையில் ஷேவிங் கிரீம்களுக்குள் ஒளிந்துள்ள எழுத்துக்களைக் கண்டுபிடிப்பது.

இவ்வாறு இந்த நிலையில் உள்ள குழந்தைகளுக்கு உதவும் பல எழுத்துத் திட்டங்கள் உள்ளன.

டிஸ்கிராஃபியாவை எவ்வாறு நிர்வகிப்பது

உடல் ரீதியான சிரமங்களை விட, டிஸ்கிராஃபியா கொண்ட குழந்தைகள் நிறைய தாழ்வுபடும் மன ரீதியான பிரச்சனைகளை எதிர்கொள்கிறார்கள், அது அவர்களில் தாழ்வு மனப்பான்மையை வளர்க்கிறது. வகுப்பறையின் கல்வி முன்னேற்றத்தைத் தொடர இயலாமை சில நேரங்களில் அவர்களை சுய உதவியற்றவர்களாக உணரவைக்கிறது. சிகிச்சை மற்றும் வழக்கமான சிகிச்சைகள் தவிர, பெற்றோராக உங்கள் தலையீடு உங்கள் குழந்தைக்கு இந்த சூழ்நிலையை மிகவும் திறம்பட சமாளிக்க உதவும்.

அமெரிக்கப் பெண்களுக்கு பாலுணர்வை அதிகரிக்கக் கூடிய மருந்து இப்போது கிடைக்கிறது. அது `பெண்களுக்கான வயாக்ரா' என்று புகழப்படுகிறது.

அமெரிக்காவில் பயன்பாட்டுக்குப் பாதுகாப்பானவை என மருந்துகளின் தரத்தை உறுதி செய்யும் அரசு அமைப்பான உணவு மற்றும் மருந்துக் கட்டுப்பாட்டு நிறுவனம் (FDA), வைலீசி (Vyleesi) என்ற மருந்துக்கு அனுமதி அளித்திருப்பது, பெண்களின் பாலுறவு ஆரோக்கியத்துக்குக் கிடைத்த வெற்றி என்று ஆரம்பத்தில் வரவேற்பு கிடைத்தது.

ஆனால் அடுத்து வந்த வாரங்களில், அது மீண்டும் விவாதமாக உருவெடுத்தது. ஆசைகள் என்ற சிக்கலான விஷயங்களில் மருந்துகளின் பங்கு என்ன என்பது பற்றி விவாதங்கள் நடைபெற்றன.

இந்த மருந்து பிரமெலனோடைட் எனப்படுகிறது - வைலீசி என்பது அதற்கான வணிகப் பெயர்.

மாதவிலக்கு நிற்பதற்கு முந்தைய அல்லது மாதவிலக்கு நிற்கும் பருவத்திற்கான அறிகுறி இல்லாத - ஆனால் பாலுறவில் நாட்டம் இல்லாத குறைபாடு (எச்.எஸ்.டி.டி.) உள்ள இளம்பெண்கள் மற்றும் வயதான பெண்களுக்காக இந்த மருந்து உருவாக்கப்பட்டுள்ளது.

பெண்களுக்கு தொடர்ந்து பாலுறவில் நாட்டம் இல்லாத நிலைதான் இது என்று சிகிச்சை மருத்துவர்கள் கூறுகின்றனர். அமெரிக்காவில் குழந்தை பெற்றுக் கொள்ளும் பருவத்தில் உள்ள பெண்களில் 6 முதல் 10 சதவீதம் பேர் வரை இந்தக் குறைபாட்டுக்கு ஆளாகியிருப்பதாக மதிப்பிடப்பட்டுள்ளது.
பெண்களுக்கான புதிய வயாகரா சர்ச்சைக்குள்ளானது ஏன்?

`பெண்களுக்கான வயாக்ரா' தயாரிப்பதில் மருந்து தயாரிக்கும் துறையினர் இரண்டாவது முறையாக இப்போது முயற்சி மேற்கொண்டுள்ளனர். இந்த மருந்தின் செயல்திறன் பற்றி டாக்டர்கள் சந்தேகங்கள் எழுப்பியதால், மருந்துக் கட்டுப்பாட்டு நிறுவனம் ஒப்புதல் அளித்திருப்பது சர்ச்சையை ஏற்படுத்தியுள்ளது. இந்த மருந்துகளை சாப்பிடுவதால் பெண்களுக்கு ஆபத்து ஏற்படலாம் என்றும் டாக்டர்கள் சந்தேகம் எழுப்பியுள்ளனர்.

எனவே, உண்மையில் பிரமெலனோடைட் பலன் தருமா? அதனுடன் தொடர்புடைய ஆரோக்கியப் பிரச்சினைகள் என்ன?
ஊசி மருந்துகளும் மாத்திரையும்

வைலீசி - என்ற இந்த மருந்து பாலட்டின் டெக்லானஜிஸ் என்ற நிறுவனம் தயாரித்து அமாக் மருந்து நிறுவனத்துக்கு உரிமம் தரப்பட்டுள்ளது. தானாகவே ஊசி மூலம் செலுத்திக் கொள்ளும் மருந்தாக இது உள்ளது.

இந்த மருந்து பதற்றத்தைத் தணித்து, பாலுறவு ஆசையை அதிகரிக்கச் செய்கிறது. டோப்போமைன் அளவை அதிகரிக்கச் செய்யும் இரண்டு நரம்பியல் கடத்திகளின் அளவைக் கட்டுப்படுத்தி, செரோட்டோனின் வெளியாவதைக் குறைத்து இது செயல்படுகிறது. ஸ்பிரவுட் பார்மசூடிகல்ஸ் நிறுவனம் விற்று வரும் அட்டியி (Addyi) என்ற மருந்துடன், இந்தப் புதிய மருந்து போட்டியிட வேண்டியிருக்கும். அட்டியி மருந்து 2015ல் உணவு மற்றும் மருந்துக் கட்டுப்பாட்டு நிறுவனத்தால் அங்கீகரிக்கப்பட்ட மாத்திரை, தினசரி எடுத்துக் கொள்ள வேண்டும்.

அட்டியி மருந்தில் ``குறைந்தபட்ச அளவுக்கு தான் பலன் உள்ளது'' என்றும், அநேகமாக பாதுகாப்பற்றது என்றும் சில நிபுணர்கள் கூறிவரும் நிலையில், புதிய மருந்துக்கு அங்கீகாரம் அளித்த முடிவு சர்ச்சைக்கு உள்ளானது.
பெண்களுக்கான புதிய வயாகரா சர்ச்சைக்குள்ளானது ஏன்? '

அட்டியி பயன்படுத்தும் போது மதுப் பழக்கத்தைக் கைவிட வேண்டும் என்று ஆரம்பத்தில் ஆலோசனை கூறப்பட்டதைப் போல வைலீசி பயன்படுத்துபவர்கள் மதுப் பழக்கத்தைக் கைவிட வேண்டிய அவசியம் இல்லை என்று அதைத் தயாரிக்கும் நிறுவனம் கூறியுள்ளது.

இது லேசான பக்க விளைவுகள் கொண்டது, வேகமான செயல்பாடு கொண்டது, தினசரி எடுத்துக் கொள்ள வேண்டியதில்லை என்றும் அந்த நிறுவனம் உத்தரவாதம் அளிக்கிறது.

ஆனால், மருந்து மற்றும் மருந்துவ தொழில்நுட்ப துறைகள் பற்றி செய்திகளைக் கவனித்து வரும் பத்திரிகையாளர் மேடலெய்ன் ஆர்ம்ஸ்டிராங் இதுகுறித்துக் கேள்விகள் எழுப்புகிறார் : ``பாலுறவு கொள்வதற்கு, குறைந்தபட்சம் 45 நிமிடங்களுக்கு முன்னதாக வைலீசி மருந்தை ஊசி மூலம் செலுத்திக் கொள்ள வேண்டும். ஆனால் குமட்டல் போன்ற உணர்வு ஏற்படுவதாக இதைப் பயன்படுத்திய 40 சதவீதம் பேர் தெரிவித்துள்ளனர், பெரும்பாலும் ஒரு மணி நேரத்துக்குள் இப்படி ஏற்படுவதாகக் குறிப்பிட்டுள்ளனர்.''
மவுனத்தில் அனுபவிக்கும் துன்பம்

2016ல் நடத்திய ஒரு ஆய்வின்படி, எச்.எஸ்.டி.டி. பிரச்சினை அமெரிக்க பெண்களில் 10-ல் ஒருவருக்கு ஏற்படுகிறது, அவர்களில் பலர் ஒருபோதும் சிகிச்சையை நாடியதில்லை என்று தெரிய வந்துள்ளது.

``இந்தப் பெண்களில் பலர் மவுனத்திலேயே துன்பத்தை அனுபவிக்கின்றனர். அதாவது, இந்த மருந்துக்கு உண்மையிலேயே ஒரு சந்தை கிடையாது'' என்று அமாக் பார்மசூடிகல்ஸ் நிறுவனத்தின் செயல் இயக்குநர் வில்லியம் ஹெய்டென் கூறுகிறார்.
பெண்களுக்கான புதிய வயாகரா சர்ச்சைக்குள்ளானது ஏன்?

ஆர்ம்ஸ்டிராங் கூட சந்தேகமாகத்தான் சொல்கிறார் : ``பெண்களுக்கு எச்.எஸ்.டி.டி. என்பது ஒரு நோயா என்பதுதான் முக்கியமான கேள்வியாக இருக்கிறது. சுமார் 60 லட்சம் பெண்களுக்கு மாதவிலக்கிற்கு முந்தைய பருவத்தில் இந்தப் பாதிப்பு இருக்கிறது என்றும், தங்களுக்கு மருத்துவக் குறைபாடு இருப்பதே 95 சதவீதம் பெண்கள் அறிந்திருக்கவில்லை என்றும் லீரின்க் நிறுவன ஆய்வாளர்கள் கூறுகின்றனர்.

ஆனால் வைலீசி மருந்து ஆண்டு விற்பனை 1 பில்லியன் டாலர் அளவுக்கு இருக்கும் என்று அந்தத் துறையினர் கூறுகின்றனர்.

அமெரிக்காவில் அட்டியி மருந்து பரிந்துரை மே மாதத்தில் 400 சதவீதம் அதிகரித்துள்ளது (கடந்த ஆண்டு அதே மாதத்துடன் ஒப்பிடும்போது) என்று புளூம்பெர்க் இன்டலிஜென்ஸ் என்ற கன்சல்டன்சி நிறுவனம் கூறியுள்ளது. மொத்தம் 3000 அளவை எட்டியது என அதில் தெரிவிக்கப்பட்டுள்ளது.

விற்பனை அதிகரித்திருக்கிறது என்றாலும், மாதந்தோறும் பத்து லட்சம் பரிந்துரைகளைப் பெறும் வயாக்ராவுடன் எந்த வகையிலும் இதை ஒப்பிட முடியாத நிலை உள்ளது.
சர்ச்சை
பெண்களுக்கான புதிய வயாகரா சர்ச்சைக்குள்ளானது ஏன்?

பரிசோதனைக் காலத்தில் கவனிக்கப்பட்ட பெரும்பாலான பக்க விளைவுகளில், இதைப் பயன்படுத்திய 40 சதவீதம் பேருக்கு நடுத்தரம் முதல் தீவிர குமட்டல் இருந்திருக்கிறது என்று அமாக் பார்மசூடிகல்ஸ் நிறுவனம் கூறியுள்ளது. காய்ச்சல் மற்றும் தலைவலி உள்ளிட்ட பக்கவிளைவுகளும் அறியப் பட்டுள்ளன.

எச்.எஸ்.டி.டி. குறைபாட்டுக்கு ``சிகிச்சை எடுத்துக் கொள்ளும் வாய்ப்பை பெண்களுக்கு அளிப்பதாக'' இது இருக்கிறது என்று எப்.டி.ஏ. நிறுவனம் பாராட்டு தெரிவித்துள்ளது.

``அறியப்படாத காரணங்களால், பாலுறவில் நாட்டம் கொள்ளாத பெண்கள் இருக்கிறார்கள், இது கவலைதரக் கூடிய விஷயம்'' என்று எப்.டி.ஏ. கூறியுள்ளது. ``இப்போது அந்தப் பெண்கள் பாதுகாப்பான, செயல்திறன்மிக்க மருத்துவ சிகிச்சையைப் பெற முடியும். இந்தப் பாதிப்பு உள்ள பெண்களுக்கு, மற்றொரு சிகிச்சை வாய்ப்பு கிடைக்கும் வகையில், இன்றைய அங்கீகாரம் அமைந்துள்ளது'' என்றும் எப்.டி.ஏ. குறிப்பிட்டுள்ளது. ஆனால் வைலீசி மருந்து பாலுறவு ஆசை அல்லது கவலையில் தாக்கத்தை ஏற்படுத்துவதற்கு மூளையில் எந்த வகையில் செயல்படுகிறது என்று தெளிவாகத் தெரியவில்லை என்றும் எப்.டி.ஏ. கூறியுள்ளது.

எச்.எஸ்.டி.டி.-க்கு சிகிச்சை அளிப்பதற்கு இந்த மருந்து தான் சிறந்ததா என்பது குறித்து நிறைய விவாதங்கள் நடைபெறுகின்றன - பாலுறவு உந்துதல் குறைவாக இருப்பது வெளிப்புற மற்றும் உளவியல் பாதிப்புகளையும் ஏற்படுத்தும் என்று மருத்துவ நிபுணர்கள் கூறுகின்றனர்.

எச்.எஸ்.டி.டி. குறித்து சமீபத்தில் எப்.டி.ஏ. குழுவில் இடம்பெற்ற பெரும்பாலான டாக்டர்கள் அட்டியி மருந்தின் பின்னணியில் உள்ள ஸ்பிரவுட் பார்மசூடிகல்ஸ் நிறுவனத்துடன் தொடர்புடையவர்கள் என்பதை விமர்சகர்கள் சுட்டிக்காட்டுகின்றனர்.

வைலீசி மருந்தின் நீண்டகால பாதிப்புகள் பற்றி எப்.டி.ஏ. பரிசீலிக்கவில்லை என்று பெண்கள் ஆரோக்கிய அமைப்புகள் பலவும் கூறியுள்ளன.

மருத்துவப் பரிசோதனைகள்
பெண்களுக்கான புதிய வயாகரா சர்ச்சைக்குள்ளானது ஏன்?

``அட்டியி மருந்தைப் போல, வைலீசி மருந்தை தினமும் எடுத்துக் கொள்ள வேண்டியதில்லை என்பது நல்ல செய்தி'' என்று உடல்நல ஆராய்ச்சிக்கான தேசிய மையத்தின் தலைவர் டயானா ஜுக்கர்மேன் வாஷிங்டன் போஸ்ட் -க்கு தெரிவித்துள்ளார்.

``இந்த மருந்தைப் பற்றிய நீண்ட கால பாதுகாப்பு குறித்த தகவல்கள் ஏதும் இல்லை என்பதால், இதன் பாதுகாப்பு குறித்து மக்களுக்கு எதுவும் தெரியாது என்பது கெட்ட செய்தி'' என்றும் அவர் கூறியுள்ளார்.

பெரும்பாலான நோயாளிகள் மாதத்தில் இரண்டு அல்லது மூன்று முறைகள் இதைப் பயன்படுத்தியுள்ளனர். ஆனால் ஒரு வாரத்தில் ஒரு முறைக்கு மேல் பயன்படுத்தியது இல்லை.

மருந்தில்லா சிகிச்சை மூலம் 17 சதவீதம் பேருக்கு பாலுறவு விருப்பம் அதிகரித்தது என்ற நிலையில், இந்த மருந்து எடுத்துக் கொண்டவர்களில் 25 சதவீதம் பேர் பாலுறவு விருப்பம் அதிகரித்ததாகத் தெரிவித்துள்ளனர்.

இருந்தபோதிலும் இதில் 20 சதவீதம் பெண்கள் பாதியில் விலகிவிட்டனர் என்று - இதில் ஈடுபட்டுள்ள தனியார் மருத்துவப் பரிசோதனை நிறுவனமான மகளிர் உடல்நல ஆராய்ச்சிக்கான கொலம்பஸ் மையம் கூறியுள்ளது. குமட்டல் காரணமாக விலகிய 8 சதவீதம் பேரும் இதில் அடங்குவர் என்றும் குறிப்பிட்டுள்ளது

பிக்பாஸ் நிகழ்ச்சியின் இன்றைய எபிசோடில் நடிகர் கமல்ஹாசன் பங்கேற்கும் புரமோ வெளியாகியுள்ளது. அதில் கமல் பேசும் பேச்சு அப்படியே அரசியல் களத்தை அளப்பதாக உள்ளது.

பிக்பாஸ் சீசன் 3 நிகழ்ச்சியை தொகுத்து வழங்கும் நடிகர் கமல்ஹாசன் வாரந்தோறும் சனி மற்றும் ஞாயிற்று கிழமைகளில் ஹவுஸ்மேட்ஸ்களை சந்தித்து வருகிறார். கமல் நிகழ்ச்சியை தொகுத்து வழங்கும் போது கிடைக்கும் கேப்பில் எல்லாம் அரசியல் பேசி வருவதை வழக்கமாக கொண்டுள்ளார்.

பிக்பாஸ் நிகழ்ச்சியை தனது அரசியலுக்கு நன்றாகவே பயன்படுத்தி வருகிறார் கமல்ஹாசன். அதுவும் அவர், மக்கள் நீதி மய்யம் என்ற அரசியல் கட்சியை தொடங்கிய பின்னர் சொல்லவே வேண்டாம், கிடைக்கும் வாய்ப்பில் உலக அரசியல் வரை பேசி சிக்ஸர் அடித்து வருகிறார் மனுஷர்.

அணி மாறுவது சகஜம்

இந்நிலையில் இன்றைய புரமோவிலும் பிச்சு உதறியிருக்கிறார் கமல்ஹாசன். அவர் புரமோவில் பேசியிருப்பதாவது, மாத்தி மாத்தி பேசுறது, அணி மாறுவது இதெல்லாம் இப்போ இந்த வீட்டுக்கு சகஜமாயிடுச்சு.

நினைத்தாலே இனிக்கும்

ஆனா இதுல எனக்கு பிடிச்ச விஷயம் என்னன்னா இது எல்லாமே பதவி மோகத்துக்காக இல்ல. ஒரு விதமான மோகம், தமிழ்ல சொல்லனும்னா ஃபீலிங்ஸ் என்ற அவர் நினைத்தாலே இனிக்கும் என பேன்ட் பாக்கெட்டில் இருந்து சாக்லேட்டை எடுத்து காட்டுகிறார்.

எந்த மாநில அரசியல்?

சாக்லேட் விவகாரம் பிக்பாஸ் வீட்டில் நடந்தது என்றாலும், அதற்கு முன்னதாக பேசியது எல்லாமே முழுக்க முழுக்க அரசியல்தான். ஆனால் அதுதமிழக அரசியலா அல்லது கர்நாடக அரசியலா என்ற குழப்பம் உள்ளது.

அணி மாறுவது

குறிப்பாக மாத்தி மாத்தி பேசுறது, அணி மாறுவது இதெல்லாம் இப்போ இந்த வீட்டுக்கு சகஜமாயிடுச்சு என்று கூறியது. தமிழக அரசியலிலும் அணிமாற்றம் நடக்கிறது, தலைவர்களும் மாறி மாறி பேசி வருகின்றனர். இதேபோல் கர்நாடக அரசியலிலும் பல குழப்பங்கள் அரங்கேறி வருகிறது.

நமக்கு மட்டும் தானா?

கமல் பேசியது இவற்றை குறி வைத்தா அல்லது உண்மையிலேயே பிக்பாஸ் பற்றிதானா என்று யோசிக்க தோன்றுகிறது. கமல் அரசியலுக்கு வந்த பிறகு அவர் பேசும் ஒவ்வோரு பேச்சும் அரசியலாகவே தெரிகிறது.. இது நமக்கு மட்டும் தானா..!?

பிரபல திரைப்பட விநியோகஸ்தர் சிந்தாமணி முருகேசன் சென்னையில் இன்று காலமானார்.

ஆயிரம் தலை வாங்கிய அபூர்வ சிந்தாமணி படத்தின் மூலம் விநியோகஸ்தராக திரையுலகில் நுழைந்தவர் சிந்தாமணி முருகேசன். விநியோகஸ்தர்கள் என்பவர் யார் ? அவர்களுடைய பவர் என்ன என்பதை திரைத்துறையினருக்கு காட்டியவர் அவர்.

ஆயிரம் தலை வாங்கிய அபூர்வ சிந்தாமணி மிகப்பெரிய வெற்றிப்படமாக அமைந்தது. அதைத்தொடர்ந்து பல படங்களை அவர் விநியோகித்தார். சென்னை, செங்கல்பட்டு திரைப்பட விநியோகஸ்தர்கள் சங்கத்திற்கு 16 முறை தலைவராக பொறுப்பு வகித்தவர்.

சிந்தாமணி முருகேசன் பற்றிய பல தகவல்கள் மிகவும் சுவாரஸ்யமானவை. ஒரு காலத்தில் நடிகர்களையும், தயாரிப்பாளர்களையும் அலறவிட்டவர். அதில் மிக முக்கியமானது ரஜினிக்கு ரெட் கார்டு போட்டது.

உழைப்பாளி படத்துக்கு சம்பளத்துக்கு பதிலாக ஒரு ஏரியாவின் விநியோக உரிமையை ரஜினி கேட்டிருந்தார். இதற்கு எதிர்ப்பு தெரிவித்து அந்த படத்திற்கு ரெட் கார்டு போட்டார் முருகேசன். அந்த சமயத்தில் இது தான் நாளிதழ்களின் தலைப்பு செய்தி.

கமல் உள்ளிட்டோர் அறிக்கைப் போர் நடத்தியும் கொஞ்சமும் இறங்கி வரவில்லை சிந்தாமணி முருகேசன். கடைசியாக வேறு வழியே இல்லாமல், ரஜினியே விநியோகஸ்தர் சங்க அலுவலகத்துக்கு நேரில் சென்று சமாதானம் பேசினார். அதன் பிறகு உழைப்பாளி படம் மீதான தடையை நீக்கினார் அவர்.

இப்படிப்பட்ட சிந்தாமணி முருகேசன் இன்று காலமாகிவிட்டார். 80 வயதான அவர் சென்னை தியாகராய நகரில் உள்ள அவரது வீட்டில் வசித்து வந்தார். வயோதிகத்தின் காரணமாக, உடல்நலக்குறைவு ஏற்பட்டு இன்று காலை அவரது உயிர் பிரிந்தது. மாலையில் ஈமச்சடங்குகள் நடைபெற்று, சிந்தாமணி முருகேசனின் உடல் தகனம் செய்யப்பட்டது

ஹாலிவுட் சினிமாவில் வால்ட் டிஸ்னியின் பங்கு மிக முக்கியமானது. பல படங்களை அவர்கள் எடுத்திருந்தாலும் கார்டூன் வகையை சார்ந்த அவர்களின் படங்களுக்கு என்றும் ஒரு தனி வரவேற்பு இருக்கும். அந்த வகையில் ஏற்கனவே நம்மில் பலரும் பார்த்திருந்த தி லயன் கிங் தற்போது புதுப்பொலிவுடன் வந்திருக்கிறது. இனி சிங்க ராஜாவை பார்க்க காட்டிற்குள் செல்வோமா...

கதைக்களம்

பெரிய வனத்திற்கு ராஜாவாக முஃபாஸா என்னு சிங்கம் இருக்கின்றது. அதன் வாரிசாக குட்டி சிங்கம் சிம்பா. சிம்பாவுக்கு தோழியாக லாலா. தனக்கு பின் தன் மகன் தான் காட்டின் இளவரசன் ஆகவேண்டும் என கனவு சிங்க ராஜாவுக்கு. இதற்காக மகனுக்கு சில சூட்சமங்களை சொல்லி புரிவைக்கிறார்.

இவரின் அரசாட்சியின் கீழ் காட்டு மிருகங்கள், பறவைகள் என அனைத்தும் சில இயற்கை விதிமுறைக்குட்பட்டு சிறப்பாக வாழ்கின்றன. ஆனால் மயான பூமி என்ற ஒன்றில் பெரும் அச்சுறுத்தல் ஒன்று இருக்கின்றது.

சந்தோசமாக போய்க்கொண்டிருக்கையில் திடீரென சிம்பாவுக்கு பெரும் ஆபத்தில் மாட்டிக்கொள்கிறது. அதனை காப்பாற்ற முஃபாஸா வர பெரும் சூழ்ச்சியில் சிக்கிக்கொள்கிறது.

இறுதியில் முஃபாஸா இறந்துவிட, தன் அப்பாவின் சாவுக்கு தான் காரணம் என்ற மனவேதனையில் திக்கு தெரியாத இடத்திற்கு செல்கிறது. காட்டில் திடீர் ஆட்சி மாற்றம், முஃபாஸாவின் மரணத்திற்கு காரணம் யார், சிம்பா என்ன ஆனது?? முஃபாஸா கனவு நிறைவேறியதா?? என்பதே இந்த தி லயன் கிங்.

படத்தை பற்றிய அலசல்

தி லயன் கிங் முன்பே நாம் சிறு வயதில் பார்த்திருப்போம். ஆனால் சினிமாவில் இப்போது தொழில் நுட்பம் நவீனமாக வளர்ந்து விட்டது. அதில் முழுக்க முழுக்க அனிமேஷன் தொழில்நுட்பத்தில் தற்போது வெளியாகிறது என்ற செய்தியே படம் பார்க்கும் ஆர்வத்தை தூண்டிவிட்டது எனலாம்.

2019 ல் ஆங்கிலம், தமிழ், தெலுங்கு, ஹிந்தி என நான்கு மொழிகளில் மீண்டும் வெளியாகியுள்ளது. பெரியவர்கள் கூட இந்த படத்தை காணும் ஆர்வத்தில் தியேட்டர்களுக்கு வந்திருப்பது தெரிகிறது.

தி லயன் கிங் பல முக்கிய நடிகர்களின் குரல் தாங்கி வந்திருப்பது ரசிகர்களுக்கு மகிழ்ச்சியே. அதிலும் குறிப்பாக பறவையின் குரலாக காமெடி நடிகர் மனோபாலா வந்திருப்பது இண்ட்ரஸ்டிங்.

ஆபத்தில் மாட்டிக்கொண்ட குட்டி சிம்பாவை காப்பாற்றும் குரலாக வந்த காமெடி நடிகர்கள் ரோபோ சங்கர், சிங்கம் புலி ஆகியோரின் எண்ட்ரி காட்சிகளுக்கு சூப்பரான ஓப்பனிங்.

வளர்ந்த சிம்பாவின் குரலாக வந்த சிம்பாவுக்கு நடிகர் சித்தார்த் டப்பிங் பேசியுள்ளார். படத்தில் உலகில் எதுவும் நமக்கு சொந்தமல்ல ஆனால் இயற்கையை பாதுகாப்பது நம் கடமை என மெசெஜ் முக்கியமானது.

படத்திற்கான பின்னணி இசை, காட்சிகள் நகர்வு, கதை கோர்ப்பு என திட்டமிட்டு அழகான படைப்பாக கொடுத்திருப்பது நன்று.

கிளாப்ஸ்

மனோ பாலா, ரோபோ சங்கர், சிங்கம் புலி ஆகியோரின் காமெடிகள்.

தமிழ் ரசிகர்களுக்கு ஏற்றபடியான கதை ஸ்கிரிப்ட்.

அலட்டல் இல்லாத இயல்பான வசனங்கள்..

பல்ப்ஸ்

இவ்வளவு செய்தவர்கள் இடைவேளை விசயத்தில் கோட்டை விட்டது ஏனோ?? மைண்ட் டிஸ்டர்பிங்.

மொத்தத்தில் தி லயன் கிங் கலர்ஃபுல்லான காட்டு பயணம். டிஸ்கவரி சானலையே தூக்கி சாப்பிட்டிடும் போலயே...

ஒரு நபர் மற்றவரின் ஆடைகளை பகிர்ந்து கொள்வது என்பது சுகாதாரமில்லாத ஒரு செயலாகும். பொதுவாக மக்கள் தங்கள் சால்வை, போர்வை, ஜாக்கெட் போன்றவற்றை மற்றவர்களுடன் பகிர்ந்து கொள்வதை நாம் கண்டிருக்கலாம். ஆனால் இது ஒரு சரியான விஷயம் அல்ல என்பதை நாம் புரிந்து கொள்ள வேண்டும்.

அதிலும் குறிப்பாக உள்ளாடைகளை பகிர்ந்து கொள்வது என்பது முற்றிலும் தவிர்க்க வேண்டிய ஒரு விஷயமாகும். இதன் காரணமாக பல்வேறு தீவிர உடல் உபாதைகள், பால்வினை நோய் போன்றவை ஏற்படும் வாய்ப்பு உண்டாகலாம்.

சீனப்பெண்

சீனாவைச் சேர்ந்த ஒரு 12 வயது பெண்ணின் வழக்கும் இதனுடன் தொடர்பு கொண்டது. அந்த பெண் சில நாட்கள் முன்பு தொடர்ச்சியாக வாந்தி எடுத்து, கடுமையான காய்ச்சலால் அவதிப்பட்டு வந்தாள். கூடவே அவளுக்கு தீவிர வயிற்று வலியும் இருந்து வந்தது. கிட்டத்தட்ட 15 நாட்களாக அவள் இத்தகைய பாதிப்பை கொண்டவளாக இருந்திருக்கிறாள் என்று அறிக்கை குறிப்பிடுகிறது. அவளுடைய உடல்நிலை மேலும் மோசமாக ஆனதால், அவளின் பெற்றோர் அவளை ஒரு மருத்துவமனைக்கு அழைத்துச் சென்றனர்.

மருத்துவ சோதனை

மருத்துவர்கள் அவளை பரிசோதனை செய்து அவளுக்கு கூபக அழற்சி நோய் (pelvic inflammatory disease) பாதிப்பு இருப்பதாக கூறினர். இதன் விளைவாக அவளுடைய கருமுட்டைக் குழாய் நீரால் அடைக்கப்பட்டிருப்பது தெரிய வந்தது. மேலும் அவளுடைய கரு முட்டைக் குழாய் பெரிதும் சேதமடைந்திருப்பதாக மருத்துவர்கள் கூறினர். ஆனால் இந்த சிறிய வயதில் இந்த பெண்ணுக்கு எப்படி இந்த பாதிப்பு ஏற்பட முடியும் என்று மருத்துவர்கள் குழம்பினர்.

பாதுகாப்பற்ற உறவு

பொதுவாக பாதுகாப்பற்ற உறவு மற்றும் பல்வேறு நபருடன் உறவு கொள்வது போன்றவை இந்த பாதிப்பிற்கான முக்கிய காரணிகள் ஆகும். ஆனால் இந்த பெண்ணிற்கு அப்படிப்பட்ட காரணங்கள் எதுவும் இல்லை. இந்த பெண் பூப்பெய்தி முதல் மாதவிடாய் ஏற்பட்டு இரண்டு வருடங்கள் மட்டுமே ஆகிறது.

அவள் எந்த ஒரு சானிட்டரி பேட் அல்லது டாம்பூன் போன்றவற்றை பயன்படுத்தவில்லை என்று தெரிவித்தாள். அவளுடைய வாழ்க்கை முறை பற்றி ஆழமாக தகவல் அறியும்போது அந்த பாதிப்பிற்கான காரணம் தெரிய வந்தது.

என்ன ஆச்சு இந்த பொண்ணுக்கு?

அந்தப் பெண் தன்னுடைய தாயின் உள்ளாடைகளை அணிந்து வந்ததாக மருத்துவர்கள் தெரிவித்தனர். எப்போதும் அவருடைய உள்ளாடைகள் அவருடைய தாயின் உள்ளாடைகளுடன் சேர்த்து ஒரே அலமாரியில் வைக்கப்படுவதால் இருவரும் அவ்வப்போது மாற்றி மாற்றி அவர்கள் உள்ளாடைகளைப் பயன்படுத்தி வந்திருக்கின்றனர். இதில் இன்னொரு மோசமான சம்பவம் என்னவென்றால் அந்தப் பெண்ணின் தாயார் சில நாட்களுக்கு முன் யோனி அழற்சியால் பாதிக்கப்பட்டது தெரிய வந்தது.

அதனால் அந்தத் தாயின் உள்ளாடைகளை இந்த பெண் அணிந்தது இந்த பாதிப்பின் முக்கிய காரணம் என்று மருத்துவர்கள் விளக்கினர். பின்னர் அந்தப் பெண்ணுக்கு லேப்ராஸ்கோபி அறுவை சிகிச்சை மேற்கொள்ளபட்டு, அவருடைய வலது கருக்குழாய் மற்றும் வலது கருவகம் போன்றவை நீக்கப்பட்டது. மருத்துவர்கள் கரு முட்டைக் குழாயை பாதுகாக்க முயற்சித்தாலும் அது முற்றிலும் பாதிக்கப்பட்டதால் அதனை நீக்க வேண்டிய நிலை உருவானது என்று மருத்துவர்கள் தெரிவித்தனர்.

தமிழ் சினிமாவின் பீஷ்மர், இயக்குநர் சிகரம் என அழைக்கப்படும் இயக்குநர் பாலச்சந்தரின் பிறந்தநாள் இன்று.

தமிழில் ஏராளமான வெற்றி படங்களை கொடுத்தவர் இயக்குநர் பாலச்சந்தர். கைலாசம் பாலச்சந்தரான இவர் கே பாலச்சந்தர் என அழைக்கப்பட்டார்.

தஞ்சை மாவட்டம் நன்னிலத்தை அடுத்த நல்லமாங்குடியில் 1930ஆம் ஆண்டு ஜூலை 9ஆம் தேதி கைலாசம்- காமாட்சியம்மாள் தம்பதிக்கு மகனாக பிறந்தார் பாலச்சந்தர். மேடை நாடகத்துறையில் இருந்து திரைத்துறைக்கு வந்தார் பாலச்சந்தர்.

ரஜினியை அறிமுகப்படுத்தியவர்

1965ம் ஆண்டு வெளியான நீர்க்குமிழி படத்தின் மூலம் தமிழ் சினிமாவில் இயக்குநராக அறிமுகமானார் பாலச்சந்தர். ரஜினிகாந்த்தை சினிமாவில் அறிமுகப்படுத்தியவர், கமல்ஹாசனை கதாநாயகனாக்கியவர் இந்த பாலச்சந்தர்தான்.

பிடித்த நடிகை சரிதா

இயக்குநர் பாலச்சந்தர் தமது படங்களில் அதிகமாகப் பயன்படுத்திய நடிகர்கள் ஜெமினி கணேசன், நாகேஷ், மேஜர் சுந்தரராஜன், கமலஹாசன் முத்துராமன் ஆகியோர். நாகேஷ் பாலச்சந்தருக்கு மிகவும் பிடித்த ஒரு நடிகராவார். நடிகைகளில் சௌகார் ஜானகி, ஜெயந்தி, சுஜாதா, சரிதா ஆகியோர் பாலச்சந்தருக்கு மிகவும் பிடித்தவர்கள் ஆவார்.

ஏராளமான படங்கள்

குடும்ப உறவு முறைகளுக்கு முக்கியத்துவம் அளிக்கும் வகையில் படங்களை எடுத்தவர் பாலச்சந்தர். அவர் கைவண்ணத்தில் உருவான படங்களில் மேஜர் சந்திரகாந்த், பூவா தலையா, இருகோடுகள், பாமா விஜயம், எதிர் நீச்சல், சிந்து பைரவி, வறுமையின் நிறம் சிவப்பு, அவள் ஒரு தொடர்கதை, அபூர்வராகங்கள், உன்னால் முடியும் தம்பி உள்ளிட்ட ஏராளமான படங்களை இயக்கியுள்ளார் பாலச்சந்தர்.

கையளவு மனசு சீரியல்

பாலச்சந்தரின் படங்கள் ஒவ்வொன்றும் காலங்கள் கடந்தாலும் அவரின் பெயரை சொல்லும் வகையில் உருவாக்கப்பட்டுள்ளன. 1990களுக்குப் பிறகு கையளவு மனசு போன்ற தொலைக்காட்சித் தொடர்களை இயக்கினார். அந்த தொடர்களும் மக்களிடையே பெரும் வரவேற்பை பெற்றன.

பத்மஸ்ரீ விருது

ஏக் தூஜே கே லியே, ஜரா சி ஜிந்தகி, ஏக் நயீ பஹேலி உள்ளிட்ட இந்தி படங்களையும் இயக்கியுள்ளார் பாலச்சந்தர். 1987 ஆம் ஆண்டு பத்மஸ்ரீ விருதையும் 2010ஆம் ஆண்டு தாதா சாகெப் பால்கே விருதையும் வழங்கி மத்திய அரசு பாலச்சந்ரை கவுரப்படுத்தியது.

இன்று பிறந்த நாள்

வயது முதிர்வால் உடல் நலம் பாதிக்கப்பட்டு சிகிச்சை பெற்றுவந்த இயக்குநர் சிகரம் பாலசந்தர் 2014ஆம் ஆண்டு டிசம்பர் 23ஆம் தேதி காலாமானார். அவரது 88வது பிறந்த நாள் இன்று கொண்டாடப்படுகிறது. இதனை முன்னிட்டு திரைத்துறை பிரபலங்கள் டிவிட்டரில் தங்களின் வாழ்த்துகளை பகிர்ந்து வருகின்றனர்.

    Remembering the "Iyakkunar Sikaram" K. BALACHANDER on his birth anniversary🎥
    One of the most verstile directors in India. Fond memories of Interacting with him during 'Muriyadi' which he produced and I played the lead in !!#legend#lifelessons pic.twitter.com/sNIyrx9YSo
    — Ganesh Venkatram (@talk2ganesh) July 9, 2019

பிறந்த நாள் வாழ்த்து

அவரது பிறந்த நாளில் "இயக்குநர் சிகரம்" கே. பாலச்சந்தர் நினைவு கூறுகிறேன்.. இந்தியாவில் மிகவும் திறமையான இயக்குநர்களில் ஒருவர். அவர் தயாரித்த 'முரியாடி' படத்தின்போது அவருடன் உரையாடியது மற்றும் அந்த படத்தில் நான் முன்னணி வகித்ததை நினைத்து பார்க்கிறேன் என நடிகர் கணேஷ் வெங்கட்ராம் டிவிட்டியுள்ளார். கே பாலச்சந்தருடன் இணைந்து எடுத்த போட்டோக்களையும் அவர் வெளியிட்டுள்ளர்.

    I miss #KB Sir.. miss talking to him..miss his calls after a debate or an interview..miss having coffee with him..miss going for walks with him..miss barging into his home only to hug him..I know he is there..somewhere..watching..guiding.. ❤️
    — KhushbuSundar ❤️❤️❤️ (@khushsundar) July 9, 2019

மிஸ் யூ கேபி சார்

இதேபோல் குஷ்பு பதிவிட்டுள்ள டிவிட்டில், ஐ மிஸ் யூ கேபி சார்.. அவருடன் பேசுவதை மிஸ் செய்கிறேன்.. இன்டர்வியூ மற்றும் விவாதங்களுக்கு பிறகு வரும் அவருடைய போன்கால்களை மிஸ் செய்கிறேன்.. அவருடன் காபி குடிப்பதை மிஸ் செய்கிறேன்.. அவருடன் நடப்பதை மிஸ் செய்கிறேன்.. அவரை கட்டியணைக்க மட்டுமே அவரது வீட்டிற்கு செல்வதை மிஸ் செய்கிறேன்... எனக்கு தெரியும் அவர் இருக்கிறார்.. எங்கேயோ.. பார்க்கிறார்.. வழிகாட்டுகிறார்.. இவ்வாறு பதிவிட்டுள்ளார்.